You are here

Сұрақ-жауап

  • Сұрақ №: 42692
    Дата: 11.05.2018 15:08:50
    Аты-жөні: Тәңірбергенов Бағдәулет
    Сұрақ:
    Құрметті Х.Зиноллаұлы! Мен, Тәңірбергенов Бағдәулет Нұғымадиллаұлы, Сырдария ауданы, А.Тоқмағамбетов ауылының тұрғыны. 2018 жылдың 3 сәуірінде Сырдария ауданы, А.Тоқмағанбетов ауылының шеткі жағында, кешкі сағат 5-тер шамасында 5 үйдің қорасы өртенген алапат өрт болды. Өрт сөндіру көліктерін шақырғанымызбен, өте кеш келді. Барлығы жанып біткен кезде. Онда да бір ғана көлік келіп, суы таусылып, екіншісін жарты сағаттан астам уақыттан соң шақырды. Сонымен айтайын дегенім, сол өрттен менің малқорам ішіндегі 19 бас малымен бірге жанып кетті, өрттің жылдамдығынан үлгермей қалдық шығаруға. Ауыл әкімі, ауданнан бір-екі өкіл, учаскелік полицейлер, аудандық төтенше жағдайлық өкілдер келіп "қайырлы шығын болсын" деп басу айтып, өртенген 19 бас малға мемлекет тарапынан өтем болады деп сендіріп, болған жайттар туралы жаздырып алып кетті. Араға апта салып ауыл әкімдігіне бардық, өртке оранған шығынымызды өтеу туралы сұрайық деп. Ауыл әкімі Ғабдолла Алданазаров аудан жаққа (нақты қайда екенін білмеймін)қоңырау шалып, "көмек болмай ма енді? болмайды ғой иа?" деп телефон арқылы сөйлесіп, "облысқа шығып сұрадық, Сендерге ешқандай көмек берілмейді. Өртенген қора сенікі, ал малдардың барлығы әкең Нұғымадилла Тәңірбергеновтың атына тіркелген" деп шығарып салды. Әкем, 75 жастағы қарт, өзі қарай алмайтын болған соң маған қарауға берген. Одан кейін ауыл әкімдігінен тағы сұрастырып едік, ондай ешқандай көмек бермейміз деп шығарып салды. "Халық" газетінде жұмыс істейтін келінім Нұрбике Құдайбергенова арқылы облыстық төтенше жағдай қызметі мамандарынан да сұраттық. Олар бұл оқиғадан ешқандай хабары жоқтығын,мұндай оқиға ЧС-ке тіркелмегенін, тек Қармақшы жақтан осындай өрт болғанын, және шығынның өтелуі жөнінде ауыл әкімі жауапты екенін айтқан. Одан кейін Сырдария аудандық әкімдігіне хабарласқан, Әкімнің баспасөз хатшысы ауыл әкіміне ескертілгенін, мал шығыны орын алған отбасыға шағымданудың жолдарын айту міндеті ауыл әкіміне жүктелгенін, сол жанұяға әкімнің хабарласатынын айтқан. Алайда, бәрі тым-тырыс. Хабар болмады. Одан бері бір айдан астам уақыт өтті. Ауылдан да, ауданнан да ешқандай материалдық көмек болған жоқ. Көпбалалы отбасымыз. Әйелім де жұмыссыз. Сұрайын дегенім, оқиға орнына жеткен төтеншелік мамандар, ауыл әкімі о баста "Мал шығыны өтеледі" деп неге айтты? Кейіннен неге өтелмейтін болды деп уәдесінен қашты. Бұл қылықтары заң білмеушілік пе,мемлекеттік қызметте отырып заң талаптары мен ережелерін білмеушілік пе? Білмесе, білмейміз, қарастырамыз деп неге айтпасқа?! Жақында ғана ауыл күріштігіне жұмысқа тұрдым. Оған дейін тек мал бағумен күнелтіп отырған жанұямыз. Қосымша тек көпбалалы ретінде алатын әлеуметтік жәрдемақы. Өрттің шығу себебі мен салдары бізге белгісіз күйде қалды. Ал өртенген 19 бас малдың шығыны қандай заңдылыққа сәйкес өтелмейді? Немесе қандай заң негізінде өтелуі тиіс. Осының ара-жігін бізге жауап бермеген құзырлы органдардың жауап беруіне ықпал етуіңізді сұраймын. Өзімізде электронды пошта болмағандықтан, келінімнің поштасымен жазуға тура келді. Менде телефон жоқ. Әйелімнің телефон нөмірі 8-705-670-85-32 Гүлшат
    Жауап күні:
    2018-05-17
    Жауап:
    Б.Н. Тәңірбергеновке Құрметті Бағдәулет Нұғымадиллаұлы! Сіздің үйіңіздің мал қорасында болған өрт салдарынан келген шығынды өтеу мәселесі туралы менің жеке блогыма жазған арызыңыз «Жеке және заңды тұлғалардың өтiнiштерiн қарау тәртiбi туралы» Заңның 7-бабына сәйкес, Қызылорда облысының әкімдігі мен Қызылорда облысының төтенше жағдайлар департаментіне жолданғанын хабарлаймын. Өтінішіңіздің қаралу нәтижесі аталған органдармен заңда белгіленген мерзімде хабарланады. Қызылорда облысының прокуроры Х. Дәуешов орын. Ч.Есжанов тел. 272896
  • Сұрақ №: 42568
    Дата: 04.05.2018 15:33:11
    Аты-жөні: Есхожа З
    Сұрақ:
    Қызылорда облысы прокуроры Х. Дәуешовке! Менің сізге айтар өтінішім маған биыл мектепте мұғалім болғаныма 20 жыл болды. Биыл жоғары санатқа құжаттар дайындап облыстық білім басқармасына өткіздік. Осыған байланысты тек ақша бергендер өтеме әлде таза білімділер өтеме? Сізден өтінерім Облыстық білім басқармасының басшысының М. А . Қасымова Ақзираға әділ өткізуге тапсырма беруіңізді өтінемін. Ашық түрде өткенін қалаймыз. Бір топ мұғалімдер. Егер менің құжатым өтпей қалса Республикаға барамын. Бас прокуротураға, Президентке дейін жазамын. Себебі Сайлыбаев Б сөзінде 5 жылдан асқан мұғалімдердің барлығы жоғары категория ала алады деген. Маған келсендер тегін алып беремін деген. Алайда ол жұмыс ауыстырып кетип калды. Ақзира ханымда әділ басшы болатынына сенеміз. Категория ашық әділ өтсе, Біз әрқашан қолдаймыз.
    Жауап күні:
    2018-05-17
    Жауап:
    З.А. Есхожаға Шиелі ауданы, Қызылорда облысы Құрметті өтініш иесі! Сіздің менің жеке блогыма жоғары санаттағы біліктілікті алу үшін Қызылорда облысының білім басқармасына құжаттар тапсырғаңызды және бұл біліктілік санатын алу ашық және әділ өтінуіне ықпалдасу жөніндегі жазған арызыңыз бойынша төмендегіні хабарлаймын. Аталған өтінішіңіз негізінен қарау үшін облыстық білім басқармасына жолданды. Оның қаралу қорытындысы жөнінде, Сізге осы органмен жазбаша түрде жауап берілетін болады. Бұл жауаппен келіспеген жағдайда, жоғары тұрған прокурорға немесе сотқа шағымдануға құқылысыз. Қызылорда облысының прокуроры Х. Дәуешов Орынд. Қ.Сыздықова Тел. 27-03-35
  • Сұрақ №: 42526
    Дата: 03.05.2018 10:21:48
    Аты-жөні: Ілияс Нұрат
    Сұрақ:
    Қызыл Орда облыстық прокаратурасының тергеу бөлімінің бастығы Сариев Балтабай мырзаға АРЫЗ-ӨТІНІШ Сізден 20.03.2018 жылы N184310031001109 ретімен тіркелген іс бойынша Қызыл Орда қаласы тұрғыны Нәрзілдаев Думанға тиесілі 093 АРА 11 авткөлігін есептен/шектеуден шығарып жіберуіне ықпал етуіңізді өтінемін. Мен Қызыл Орда прокоратурасына және басқа мемлекеттік құхық қорғау орындарына 7 айдан бері жазып келемін. Бір нәтиже шығаруыңызды өтінемін.
    Жауап күні:
    2018-05-24
    Жауап:
    Құрметті Нұрат Құлымбетұлы! «Мерседес-Бенц-280 E» автокөлікті шектеуден босатуға ықпал ету туралы Бас Прокурорының блогынан түскен арызыңыз облыстық прокуратурада қылмыстық іс құжаттарын зерделеу арқылы қаралды. Сіздің меншігіңіздегі «Mercedes Вenz-280 E» маркалы м/б 979 BOA 05 автокөліктің шанақ нөмірі Қызылорда қаласындағы м/б 093 АРА 11 «Mercedes Вenz-280 E» маркалы автокөліктің шанақ нөмірімен сәйкес келу дерегі бойынша Қызылорда қалалық ішкі істер басқармасымен 20.03.2018 ж. Қылмыстық кодексінің 386-бабының 1-бөлігімен (көлік құралының сәйкестендіру нөмірін қолдан жасау, жою, көрінеу қолдан жасалған сәйкестендіру нөмірі бар көлік құралын өткізу) сотқа дейінгі тергеп-тексеру амалдары басталған. Тергеу барысында «Mercedes Вenz-280 E» маркалы WDB2100631А734378 шанақ нөмірлі автокөлік Қызылорда қаласының тұрғыны Д.Нәрзілдаевтың атына 13.06.2013 жылы тіркеліп, 093 АРА/11 мемлекеттік тіркеу белгісі берілгені анықталды. Жауап алу барысында Н.Нәрзілдаев аталған автокөлікті 2012 жылы сатып алып, 2013 жылы оны белгісіз азаматқа сатып жібергендігін көрсеткен. Казіргі уақытта Д.Нәрзілдаевтың иелігінде болған м/б 093 АРА 11 автокөлігінің шанақ нөмірінің шынайлығына сот-трасологиялық сараптама тағайындау қажеттілігіне байланысты, аталған автокөлікті іздеп табу мақсатында тергеу органымен тиісті іздестіру шаралары жүргізілуде. Сонымен қатар, Қызылорда облысы бойынша Мемлекеттік кірістер департаменті Экономикалық тергеу қызметінің өндірісіндегі ескі редакциядағы ҚК-нің 209-бабының 2-бөлігімен (экономикалық контрабанда) қылмыстық іс шеңберінде мүлiктiк жазалар және мүмкiн болатын мүлiктi тәркiлеу бөлiгiнде орындауды қамтамасыз ету мақсатында шет елдерден әкелінген 1315 автокөлікке, оның ішінде WDB2100631А734378 шанақ нөмерлі «Mercedes Вenz-280 E» маркалы автокөлікке 24.06.2014 жылы шектеу қойылып, тиісті тергеп-тексеру амалдары жүргізілуде. Сондықтан, казіргі уақытта аталған іс бойынша тіркеуде тұрған WDB2100631А734378 шанақ нөмерлі «Mercedes Вenz-280 E» маркалы автокөліктің процессуалдық жағдайы шешілмей, оны шектеуден босатып есептен шығару құқықтық негіздер жоқ. Осы жауаппен келіспеген жағдайда жоғары тұрған прокурорға немесе сотқа шағымдануға құқылы екендігіңізді түсіндіремін. Қызылорда облысының прокуроры Х.Дәуешов орынд.Н.Жаниев тел.277747
  • Сұрақ №: 42493
    Дата: 02.05.2018 14:42:23
    Аты-жөні: Асқаров Бексұлтан
    Сұрақ:
    Құрметті Дәуешов Халидулла Зиноллаұлы! Мен Асқаров Бексұлтан Пернебайұлы, ақпан айының 10 нан 11 не қараған түні өзімнің жұмыс орныма белгісіз біреулер ұрлыққа түсіп ASER Aspire модельді ноутбугымды, Canon 700D маркалы фотоаппаратымды қолды қылған болатын. Содан Жаңақорған аудандық ішкі істер бөлімінің қызметкерлері толық тексеру жүргізіп қол іздерін және басқа айғақтарды алған болатын. 2018 жылдың 12 наурызында осы қылмысқа байланысты істің тоқтатылғаны туралы хабарлама жіберді. Осы істі қайта қозғауды сұраймын. Себебі ASER Aspire маркалы ноутбук соңғы модельде жасалған ұрланған жағдайда орналасқан жерін анықтауға арналған фунциялары бар. Сіздерден өтінерім осы істі қайта қозғауды сұраймын. Ноутбук жайлы толық мәлімет: Aser Aspire E15 E5-576G-30JD S/N: NXGTZER01973627FF97600 RMN: N16Q2 P/N: NX.GTZER.019 SNID: 73616383376 Lan Mac: A81E84DAB708 WLAN MAC: 646E69A7958D
    Жауап күні:
    2018-05-10
    Жауап:
    Б. Асқаровқа Құрметті Бексұлтан Пернебайұлы! Сіздің жұмыс орныңыздан мүліктеріңіздің ұрлану дерегі бойынша Жаңақорған аудандық ішкі істер бөлімімен (бұдан әрі – Бөлім) істің тергеп-тексеру мерзімі заңсыз үзілгені туралы менің жеке блогыма жазған арызыңыз облыстық прокуратурамен іс құжаттарын зерделеу арқылы қаралды. Өзіңізге белгілі, мүліктеріңіздің ұрлану дерегі бойынша Бөліммен Қазақстан Республикасы Қылмыстық кодексінің 188-бабының 2-бөлігінің 3-тармағымен (бөтеннің мүлкін қызметтiк үй-жайға заңсыз кiру арқылы жасырын жымқыру) сотқа дейінгі тергеп-тексеру жүргізілген. Осы ретте, тергеу органымен бірқатар сотқа дейінгі тергеп-тексерулер жүргізіліп, оның ішінде Сіздің уәждеріңіз тексеріліп, нәтижесімен 06.03.2018 жылы Қазақстан Республикасы Қылмыстық-процестік кодексінің 45-бабының 7-бөлігінің 1-тармағына сәйкес, қылмыстық құқық бұзушылық жасаған адам анықталмауына байланысты қылмыстық істің сотқа тергеп-тексеру мерзімі үзілген және бұл шешіммен Жаңақорған аудандық прокуратурасы келіскен. Тергеу органының шешімі жинақталған дәлелдемелер жиынтығы негізінде заң шеңберінде қабылданғандықтан, оның күшін жоюға негіз жоқ. Бұл берілген жауаппен келіспеген жағдайда жоғары тұрған прокурорға немесе ҚР ҚПК-нің 106-бабына сәйкес сотқа шағымдануға құқылы екендігіңізді түсіндіремін. Қызылорда облысының прокуроры Х. Дәуешов Орынд.: Ж. Жусупов тел.: 8 (7242) 27-77-47
  • Сұрақ №: 42278
    Дата: 23.04.2018 15:16:00
    Аты-жөні: Нуржанов Талгат
    Сұрақ:
    Мен Нұржанов Талғат жеке өзімдік шаруа қажылығым бар Шаруашылықты ашқаныма 3 жыл болды Мал ұрлығы тоқтамай тұр Соңғы ұрлықты өз көзімізбен көріп, дәләлдеп бергенбіз куәгерлер бар Ұрлыққа келген екі көліктің номерін жазып алғанбыз Осы ұрлық бойынша 30.03.2018 арыз бергенбіз сол аразым бойынша қылмыстық іс жүрмей жатыр Арыз номері №184332035000212 Осы қылмыстық істі өз бақылауыңызға алуды сұраймын.
    Жауап күні:
    2018-05-02
    Жауап:
    Мен Нұржанов Талғат жеке өзімдік шаруа қажылығым бар Шаруашылықты ашқаныма 3 жыл болды Мал ұрлығы тоқтамай тұр Соңғы ұрлықты өз көзімізбен көріп, дәләлдеп бергенбіз куәгерлер бар Ұрлыққа келген екі көліктің номерін жазып алғанбыз Осы ұрлық бойынша 30.03.2018 арыз бергенбіз сол аразым бойынша қылмыстық іс жүрмей жатыр Арыз номері №184332035000212 Осы қылмыстық істі өз бақылауыңызға алуды сұраймын.

Беттер

Шрифт өлшемі
Қалыпты нұсқа
Үлкен өлшем
Үп-үлкен өлшем
Сайт түстері
Ақтың бойымен қара
Қараның бойымен ақпен
Көгілдірдің бойымен қара көкпен
Суреттер
Суреттерді өшіру/қосу
Теңшелімдер
Теңшелімдер
Normal version
Normal version
Мәтіндегі қателік:
Қате туралы хабарлағыңыз келсе "Хабарламаны жіберу" батырмасын басыңыз.