You are here

Сұрақ-жауап

  • Сұрақ №: 43566
    Дата: 11.06.2018 10:22:29
    Аты-жөні: Ибайдуллаева Айгерим
    Сұрақ:
    Сәлеметсіздер ме? Мен Ибайдуллаева Айгерим Маратовна 05.06.2018 жылы Сіздерге Бекетова Гульназ Абдисахиевнаның маған қоқан-лоқы көрсетіп, заңсыз әрекетпен айналысып жүргендігі туралы және қылмыстық жауапқа тартуларыңыз туралы арыз жіберген болатынмын. Осы арыздың жауабын қашан алуға болады?
    Жауап күні:
    2018-06-14
    Жауап:
    А. Ибайдуллаеваға Қ.Ерімбет көшесі, №4 үй, Әйтеке би кенті, Қазалы ауданы Тел. 8 702 373 87 34 Құрметті Айгерим Маратқызы! Сіздің, 05.06.2018ж. азаматша Бекетова Гульназ Абдисахиевнаның қоқан-лоқы көрсетіп, заңсыз әрекетпен айналысып жүргендігі туралы және қылмыстық жауапқа тартуды сұраған арызыңыз негізінен қарап, тиісті шешім қабылдау үшін 08.06.2018ж. №2-10-18-05872 шығыспен Қазалы аудандық прокуратурасына жолданды. Осыған байланысты, аталған арызыңыздың қаралу нәтижесін Қазалы аудандық прокуратурасынан білуге болатындығын түсіндіремін. Бұл жауаппен келіспеген жағдайда жоғары тұрған прокуратураға немесе сотқа шағымдануға құқылысыз. Қызылорда облысының прокуроры Х. Дәуешов Орынд. Р.Бакбергенов Тел. 27-23-62
  • Сұрақ №: 43463
    Дата: 06.06.2018 14:56:25
    Аты-жөні: Баймбетова Жанат
    Сұрақ:
    Саламатсызба.2018 жылдын 1-маусым балаларды коргау кунинде ауылдагы мумкиндиги шектеули барлык балаларга 10 000 тенге колеминде шаруашылык басшысы Толепов Молдабектин демеушилигимен сыйакы берилди.ДЦП диагнозымен есептеги менин баламды акимшмликтин бас маманы бул тизимнен сызып тастаганы ушин жауап бесре деймин.озине хабарлассам умытып кетиппин деди.сызып тастауга кандай кукыгы бар.
    Жауап күні:
    22 маусым, 2018 - 17:55
    Жауап:
    Қармақшы аудандық прокуратурасымен Сіздің мүгедек балаңызға демеуші «Жаңажол» ЖШС-мен қайырымдылық көмектің берілмегені туралы өтінішіңіз қаралды. 1-маусым «Халықаралық балаларды қорғау күні» мерекесіне орай «Жаңажол» ЖШС-мен өздерінің қызметкерлерінің балаларына қайырымдылық көмектің көрсетілгені белгілі болды. Қайырымдылық көмегін алатын азаматтардың қатарына Сіздің жолдасыңыз А.Қоқанов бұған дейін «Жаңажол» ЖШС-нен мүліктік үлесін алып, жұмыстан шығып кетуіне байланысты енгізілмеген. Қазақстан Республикасының «Қайырымдылық туралы» Заңының 1-бабы 5)-тармағында қайырымдылық – қайырымдылық көмек көрсетуге және ізгілік қажеттіліктерді қанағаттандыруға негізделген, ерікті, өтеусіз не жеңілдетілген шарттармен филантропиялық, демеушілік және меценаттық қызмет түрінде жүзеге асырылатын әлеуметтік пайдалы қызмет екені көрсетілген. Заң тұрғысында демеушінің қайырымдылық көмек көрсетілетін тұлғалар тізімін айқындауы өзінің еркінде. Осылайша, аталған қайырымдылық көмегін тарату жағдайына прокуратураның араласуына құқықтық негіздердің жоқтығын түсіндіремін. Осы берілген жауаппен келіспеген жағдайда, жоғары тұрған прокурорға немесе сотқа шағымдануға құқылысыз.
  • Сұрақ №: 43456
    Дата: 06.06.2018 11:52:30
    Аты-жөні: Есхожа Мұрат
    Сұрақ:
    Қызылорда облысы прокуроры Дәуешов Халидолла мырзаға! Менің сізге айтар өтінішім, қасиетті рамазан айында ешкімге зияным тимесінші деп едім. Бірақ жазғы лагердегі бүлдіршіндердің жеп отырған тамақтарын көріп, осы тамақты беріп отырған аудандық білім бөлімінің бастығы Б. Сейілхановқа және барлық кәсіпкерлерге сол тамақты үйлерінде жей ме екен деп сұрағым келді. Жазғы лагерге 1000 оқу тартып жатырмыз деп ақпарат бергенде қандай. Оқушыларға беріп жатқан тамақтары сапасыз, және күнде итке сүйек лақтырғандай қылып әкеліп он күнге жеткізіңдер дейді. Ол тамағы шындап келсе 1 күнге жетпейді. Бұл арыз емес. Қоғам болып тәрбиелемесе кім тәрбиелейді. 1 маусым күні тамақ болған жоқ. Меню жазылды. Кім жауап береді бүлдіршіндердің тағдырына. Балалар 1 күн келгеннен кейін келгісі келмейді. Қарындары ашады. Қазір аурулардың жер бетіне шығып жатқанда. Осыған тәртіп орнату Сіздің ғана қолыңыздан келеді. біреуге жала жабу емес. шындық.Өзіңіз қадағалауыңызды өтінемін.
    Жауап күні:
    2018-06-11
    Жауап:
    М.Есхожаға жауап
  • Сұрақ №: 43421
    Дата: 04.06.2018 18:17:30
    Аты-жөні: Батырхан Акманат
    Сұрақ:
    Облыс прокуроры! Менің бір түсінбейтінім Шиелі аудандық білім бөлімі бухалтериясы Галина мектептерге тапсырма беріп жатыр компьютерлер мултимедияларды бұзылған, жарамсыз деп мектептің есебінен шығар деп жатыр. Мектептерде 20 оқушыға 1 компютерден келеді. Жұмыс жасап істеп тұрған компютерлерді есептен шығарып жатыр. осы дұрыс па? Өзі жетпей жатқан компютерлерге қосудың орнына азайтып жатыр. ол жарамды компютерлер есептен шығарылғаннан кейін кімнің үйіне кетеді.
    Жауап күні:
    2018-06-07
    Жауап:
    А.Батырханға Шиелі ауданы Құрметті Акманат Батырхан! Сіздің Шиелі аудандық білім бөлімімен аудандағы мектептерде компьютерлерді заңсыз есептен шығарып жатқаны туралы менің блогыма жазған өтінішіңіз «Жеке және заңды тұлғалардың өтініштерін қарау тәртібі туралы» Заңның 7-бабының 6-тармағына сәйкес Қызылорда облысының Ішкі мемлекеттік аудит департаментіне жолданды. Нәтижесі жөнінде Сізге аталған басқармамен жауап беріледі. Бұл жауаппен келіспеген жағдайда, жоғары тұрған прокурорға немесе сотқа шағымдануға құқылысыз. Қызылорда облысының прокуроры Х. Дәуешов орын:А.Сыздықов тел:272896
  • Сұрақ №: 43290
    Дата: 30.05.2018 16:23:21
    Аты-жөні: Маратұлы Еркебұлан
    Сұрақ:
    Құрметті Асхат Мадиевич! Мен "Р-Финанс" ЖШС-нің атынан 23.01.2018 жылғы №0000002211 санды сенім хат негізінде әрекет етуші өкілі, Сізден сұрайтыным. Қызылорда қалалық ІІБ-ның Тергеу бөлімінде №184310031000518 санды Қазақстан Республикасы ҚК-нің 189-бабының 4-бөлігінің 2-тармақшасымен Сарсенбаев Бақытжанға қатысты қозғалған қылмыстық істі аяқтауға өз тарапыңыздан қатаң қадағалауыңызға алып, ықпал етуіңізді сұраймын. Себебі Іс 07 ақпан 2018 жылы қозғалғын болатын. содан бері тағайындалуға тиіс сараптамалар тағайындалып, қорытындылары әлде қашан аяқталып, іске тіркелген, қазіргі таңда Тергеу бөлімі тарапынан негізсіз істі созбаланға салып отыр деп есептеймін, себебі қылмыстық іс бойынша сезікті тұлғалар анық, тергеу әрекеттері оларға қатысты аяқталған, сараптамалар қорытындылары түгел, істі бұлай созбалаңға салуға еш негіз жоқ. қазіргі таңда сезікті ретінде жауапкершілікке тартылып жатырған тұлғалар еш сезініп жүрген жоқ істі болып жатырмыз деп. Тергеу бөлімі тарапынан бұндай баппен сезіктілер қамауға алынбайды деп жауап қатуда, оны сот шешеді деп жауап қатуда. Осы аталған негіздерді басшылыққа ала отырып Сізден сұрайтыным, өз тарапыңыздан қылмыстық істің аяқталуына, іс бойынша сезікті тұлғаларды қамауға алынуына ықпал етуіңізді, және қатаң бақылауыңызға алуды өтінемін. аса құрметпен Маратұлы Еркебұлан.
    Жауап күні:
    14 маусым, 2018 - 10:17
    Жауап:
    Е.Маратұлына Қызылорда қаласы Құрметті Маратұлы Еркебұлан! Сіздің, Қазақстан Республикасы Бас прокуратурасының блогына 30.05.2018 жылы жазған арыздарыңыз 01-1001-18-00014 және 01-1001-18-00015 сандарымен кірістелген. Арыздарыңызда, «Р-Финанс» жауапкершілігі шектеулі серіктестігінің (бұдан әрі - ЖШС-нің) атынан сенім хат арқылы Қызылорда қалалық ішкі істер басқармасына (бұдан әрі - ҚІІБ) жазған арызыңыз негізінде тіркелген қылмыстық істі бақылауға алуды және күдікті тұлғаны қамауға алынуына ықпал етуді сұраған арыздарыңыз қылмыстық іс құжаттарын зерделеу арқылы қаралды. Нақтылағанда, 2017 жылдың қыркүйек пен желтоқсан айының аралығында аса ірі мөлшерде сеніп тапсырылған бөтен мүлікті иемденіп алу немесе жымқыру мақсатында Қызылорда қаласы, Абай даңғылы, №54 үйде орналасқан «Р-Финанс» ЖШС-нің менеджер қызметін атқарған Сарсенбаев Бақытжан есімді азамат 10 582 380 теңге ақша жымқырған. Бұл оқиға бойынша ҚІІБ-мен Қазақстан Республикасы Қылмыстық кодексінің 189-бабының 4-бөлігінің 2-тармағымен тіркеліп, сотқа дейінгі тергеп-тексеру амалдарын бастаған. Осыдан кейін, қылмыстық іс бойынша Б.Сәрсенбаев «Р-Финанс» ЖШС-нің клиенті Ж.Абдиевтің өзінің атынан кепіл ретінде автокөлігін қойып қарызға алған ақшасын қайтару негізінде аударып жіберген сомманы яғни, 1 080 000 теңгені алдап, сенімді теріс пайдалану жолымен бөтеннің мүлкін жымқыру дерегіне қатысты ҚР ҚК-нің 190-бабының 2-бөлігінің 3-тармағымен қайта дәрежелеген. Ал, «Р-Финанс» ЖШС-нің клиенттерінің атынан жалған құжат дайындау дерегі бойынша Қазақстан Республикасы Қылмыстық-процестік кодексінің 43-бабына сай бөлектеп, сотқа дейінгі тергеп-тексерудің біріңғай тізіліміне 184310031001138 санымен тіркеп, сотқа дейінгі тергеп-тексеру амалдарын қайта бастаған. Осы ретте, арыздарыңызда келтірілген уәждеріңіз негізінде және тиісті тергеп-тексеру әрекеттерін жүргізу үшін қылмыстық іс бойынша қалалық прокуратурамен жазбаша нұсқау берілді. Сондықтан, іс бойынша қосымша талап-тілектеріңіз болса, сотқа дейінгі тергеп-тексеру барысында беріп, оған байланысты дәлелді жауаптар алуға құқығыңыз бар. Аталған жауаппен келіспеген жағдайда, осы жауаптың көшірмесін тіркей отырып, жоғары тұрған прокурорға немесе сотқа шағымдануға құқылысыз. Қала прокуроры А. Бекмұханов орынд. Б.Махамбетжанов тел.24-75-79

Беттер

Шрифт өлшемі
Қалыпты нұсқа
Үлкен өлшем
Үп-үлкен өлшем
Сайт түстері
Ақтың бойымен қара
Қараның бойымен ақпен
Көгілдірдің бойымен қара көкпен
Суреттер
Суреттерді өшіру/қосу
Теңшелімдер
Теңшелімдер
Normal version
Normal version
Мәтіндегі қателік:
Қате туралы хабарлағыңыз келсе "Хабарламаны жіберу" батырмасын басыңыз.